|
Heim
Oshadhi ilmkjarnaolíur
Oshadhi grunnolíur
Oshadhi synergíur
Oshadhi blómavötn
Ilmdreifitæki
Námskeið
Um Palmarosa
Um Oshadhi
Pantanir, greiðsluskilmálar
og sendingar
|
Þar sem ilmkjarnaolíur
eru mjög sterk efni þarf að huga að öryggisatriðum við notkun
þeirra. Eftirfarandi eru almenn öryggisatriði sem nauðsynlegt er að
hafa í huga:
Geymið ilmkjarnaolíur
þar sem börn ná ekki til
Takið ilmkjarnaolíur aldrei inn nema undir eftirliti sérfræðings
Kynnið ykkur ávallt öryggisatriði ilmkjarnaolíu áður en þið notið
hana
Þynnið ilmkjarnaolíur alltaf (t.d. með grunnolíu) áður en þær eru
bornar á húð
Ef erting verður á húð vegna ilmkjarnaolíu hættið notkun strax
Notið aðeins hágæða ilmkjarnaolíur
Eitrun
Margar ilmkjarnaolíur eru eitraðar í inntöku og dæmi eru um að
börn hafi dáið eftir að hafa innbyrt aðeins 5 ml af Eucalyptus olíu.
Takið ilmkjarnaolíur því aldrei inn.
Eftirfarandi
ilmkjarnaolíur geta valdið eituráhrifum í öllum líkamanum séu þær bornar á
húð:
Boldo leaf, horseradish, mustard, birch, bitter almond, caraway,
cassia, clove leaf, cinnamon bark, origanum, summer savory,
wintergreen, wormseed
Ljósnæmisviðbrögð
húðar
Sumar ilmkjarnaolíur geta valdið því að húð verður ofurnæm fyrir
sólarljósi. Einkennin geta verið allt frá roða í húð yfir í
alvarlegan bruna. Einnig geta komið fram varananlegir litablettir í
húð. Ef slíkar olíur eru bornar á húð má húðin ekki verða fyrir
áreiti sólarljóss í um 7 klst. svo að gott er að nota þær að kvöldi
til fyrir svefninn.
Eftirfarandi
ilmkjarnaolíur eru taldar valda ljósnæmi húðar:
Flestar sítrusolíur, s.s. bergamot, lemon, orange og grapefruit.
Bergamot FCF veldur ekki ljósnæmi þar sem skaðleg efni í henni hafa
verið fjarlægð. Aðrar olíur sem valda ljósnæmi eru rue, tagetes,
cumin, lemon verbena, opopanax, angelica root, caraway, cassia og
cinnamon bark
Ofnæmi
Sumar ilmkjarnaolíur eru mjög gjarnar á að valda ofnæmi í húð, sérstaklega
hjá viðkvæmum einstaklingum. Viðkvæmir einstaklingar ættu ekki að
bera slíkar olíur á húðina en þær eru taldar öruggar í innöndun.
Eftirfarandi
ilmkjarnaolíur eru þekktir ofnæmisvaldar (* merkir að olían getur
valdið alvarlegu húðofnæmi):
Elecampane eða alant root (I. helenium)**, Aniseed, Bay (P.
racemosa), Benzoin (resin og olía), Calamus* ( einnig hugsanlegur
krabbameinsvaldur), Cassia*, Cinnamon bark og leaf*, Citronella,
Colophony resin*, Costus root**, Fennel bitter, Fig leaf absolute,
Garlic oil, Jasmine absolute, Massoia, Mimosa absolute, Oakmoss og
treemoss resinoids, Peru balsam*, Pines, Spearmint, Tolu balsam*,
Teaseed (Camellia sinensis) olía**, Turpentine (unrectified)*,
Verbena**
Erting
Sumar ilmkjarnaolíur geta valdið ertingu á húð en einkennin eru
oftast ekki alvarleg og hverfa venjulega þegar notkun er hætt. Þó
geta einstakar ilmkjarnaolíur (sassafras, calamus og camphor brown
og yellow) valdið krabbameinsvexti sem er svar líkamans við stöðugri
ertingu vegna þeirra í langan tíma.
Eftirfarandi
ilmkjarnaolíur eru þekktar fyrir að valda húðertingu, sérstaklega
séu þær notaðar í háum styrk:
Clove, Cinnamon bark, Cassia, Chervil, Horseradish, Mustard,
Perilla, Dwarf pine, Bay (leaf), Bitter lime, Cinnamon leaf, Clove
(bud, leaf og stem), Citronella, Fir needle, Ginger, Lemon,
Lemongrass, Meadowsweet, Origanum, Peppermint, Pimenta leaf, Pine,
Rue, Spearmint, Thyme, Wintergreen, Ajowan, Allspice, Savory
(winter), Wild marjoram, Turmeric, Texas cedarwood
Einnig geta absolute valdið húðertingu í háum styrk.
Börn, ófrískar konur
og eldra fólk
Kynnið ykkur ávallt öryggisatriði ilmkjarnaolía fyrir notkun. Notið
aðeins öruggar olíur og forðist notkun á ertandi, ofnæmisvaldandi og
eitruðum olíum (sjá að ofan). Þynnið ilmkjarnaolíur vel.
Forðist einnig
eftirfarandi ilmkjarnaolíur á meðgöngu:
Basil, Cedarwood, Hyssop, Juniper berries, Clary Sage, Myrrh,
Marjoram, Rosemary og stóra skammta af Peppermint.
Ef barnshafandi kona hefur upplifað fósturmissi er öruggast að
sleppa ilmkjarnaolíum alveg fyrstu mánuðina.
Flogaveikir
Forðist eftirfarandi ilmkjarnaolíur:
Fennel, Sage og stóra skammta af Rosemary og Peppermint
Astmi
Farið varlega með ilmkjarnaolíur nálægt astmasjúkum, sérstaklega
meðan á astmakasti stendur. Athugið að margar olíur geta valdið
astmakasti og eru þau viðbrögð einstaklingsbundin. Gott er að
meðhöndla astma á milli kasta og athugið að ef astminn er kvíða- eða
streitutengdur þarf að meðhöndla sérstaklega þá kvilla.
Slys
Ef ilmkjarnaolíur berast í augu skolið strax með fituríkri mjólk eða
jurtaolíu og svo með vatni. Ef sviði heldur áfram leitið strax
læknis.
Ef óblandaðar
ilmkjarnaolíur berast á húð skolið strax með jurtaolíu og þvoið
síðan með sápu.
Á síðunni
Meðferðareiginleikar ilmkjarnaolía er umfjöllun um
öryggisatriði hverrar olíu fyrir sig.
|
